بسم الله الرحمن الرحیم
شعر چاپ نشده (کپی شعر بدون اسم شاعر حلال نیست
شعری از کربلایی قادر خانبابایی ( شهرستان ملکان ) 06/11/1399


ایام شهادت حضرت ام البنین (س)

ام البنینیم غم گونو غمخواریم اولوبدی
بیر غصه لی صحراده وفاداریم اولوبدی
*
دورد اوغلومی پرپر ائلیریب جور زمانه
بیر گل دئمیرین ، گلشن و گلزاریم اولوبدی
*
دونیاده چتین درد و مصیبت منه گلدی
الله منیم عالمده وفاداریم اولوبدی
*
سو مشکینه اوخ دَیدی بالام اولدو خجالت
قوربان اولوم اول حالینه دلداریم اولوبدی
*
هم اولدو منیم عونیله فضلیم همی جعفر
دورد گوهر نایاب گرانباریم اولوبدی
*
بیر آهن عمودیله دوشوب دشت بلایه
اوخلاندی گوزو معدن ایثاریم اولوبدی
*
من نذر ائلمیشدیم بالامی جان حسینه
جانانینه جان وئردی ، فداکاریم اولوبدی
*
دورد اوغلوم اوزوم ، عاشق رخسار حسینون
قوربان اونون عطشان لبینه یاریم اولوبدی
*
باش پارچا لانیب ،گوز یارالی ، قول قلم اولدی
جانباز حسین ، معدن ایثاریم اولوبدی
*
آغلار منه دنیا، من اوزوم حال حسینه
گل مثل منیم سید و سالاریم اولوبدی
*
قولّاردوشوب آتدان یره ،یوز اوسته دوشوبدی
سسلندی حسین (ع) گل باجی سرداریم اولوبدی
*
عباسیم اولنده بوکولوب قدی حسینین
یارب یتیش امداده ، هواداریم اولوبدی
*
زینب دییر عباس اولومی پوزدو حسینی
اوخشارمش او نهر اوسته علمداریم اولوبدی
*
ای وای منه او چولده حسین قالمیشمیش تک
یارب دئدی بو چولده هوا داریم اولوبدی
*
آغلار حامی عباسه قیامت یتیشینجه
زهراده دییر قولسوز علمداریم اولوبدی