اولوبدى عالم امکان گئنه گریان ابلفضله
اولوبدى عالم امکان گئنه گریان ابلفضله
شعر چاپ نشده
به قلم شاعر اهلبیت
کربلایی قادر خانبابایی شهرستان ملکان
اولوبدى عالم امکان گئنه گریان ابلفضله
فدا اول تشنه سرداره جانیم قربان ابلفضله
*
آلیبدور اذن میدان تا عقاب اوسته سوار اولدی
گو رو بلر رزمگهده ماه تابان آشکار اولدی
سراسر صحنه میدان بوتون گرد و غبار اولدی
بیر عده پهلواناردان مهیای فرار اولدی
اوتوز مین لشکر آماده قالیب حیران ابلفضله
*
اَنیبدی تلین اوستوندن الینده تیغ برانی
اگر شمشیر ه اَل آتسا بولَر مین مرد میدانی
باخاندا غیضلن مولا هراسان ایلیر اَعدانی
دییرسن گلدی پیکاره دوباره حیدرثانی
برابر دوردی خصم پیرو شيطان ابلفضله
*
قوشون تا گوردی عباسی اولوبلار رزمه آماده
دوشو بلر خوفه وحشتنن نفس حبس اولدو اعداده
خبرفو را" یتیشدی ابن سعد پست و جلاده
چاغیردی شمر ملعونی یتیشسین بلکه امداده
نه نوعی ائیله سینلر حیله پنهان ابلفضله
*
اولوب فخریله آماده قوی بیر پهلوان گلسین
دییردی یول وئرین لشکر بو رزمه قهرمان گلسین
دلیر نامی کشور ابرمرد زمان گلسین
شرافت یوخدی سیزلرده قویون بو جانفشان گلسین
یئتیرم ایندی میداندا اوزم نقصان ابلفضله
*
اتیبدی نیزه سین فورا" دوتوب عباس ببر افکن
دئییب لبیک یا مولا قالیب حیرتده اهریمن
وئِریب اوز نیزه سینن مائدی فورا" سنیب گردن
یوزاوسته دوشدی تپراقه وئریب جان مرتد کودن
سراسر سسله دی احسن اوگون عدوان ابلفضله
*
مشخص اولدی عباسین اوگون میداندا مقیاسی
اوتوز مین لشکر آماده اولوب تا یخسین عباسی
آت اوسته دوردی شیر اوغلو الینده تیغ الماسی
یدالله اوغلی دور قویماز پَر آچسین اهل خناسی
اولانماز روبرو بیر کس اودم آسان ابلفضله
*
چکیب شمشیربرّانی هواده باش باشه دردی
او کی پیکردی میداندا او شیر اوغلی یئره سردی
گلیبدی رو برو هرکیم ابلفنضل ناره گوندردی
قالیب وحشتده سعد اوغلی عجب شیر دلاوردی
قلم ایسلیر یازا احسن دییئب سبحان ابلفضله
*
یوزون دوندردی نهر اوسته او شیر کردگار او غلی
اوجا تکبیریلن آلدی فراتی نامدار اوغلی
سو مشکین دولدوروب فورا" شه دلدول سوار اوغلی
خبردار اولدی بوایشدن او سعد نابکار اوغلی
وئریب فرمان یاغلسین نیزه و پیکان ابالفضله
*
اِدنده حمله هرسمته قالیر یوز جسم و جان یئرده
دئیرسن باد سرسردی توکور برگ خزان یئرده
آیلدی باش بدنده قالدی چوخلی پهلوان یئرده
قیامتدی قالیر سایسیز بدنلر بیکران یئرده
ادیب نیرنگ دیگر آل بوسفیان ابلفضله
*
طفیل اوغلی قاچیب نخلین دالیندا استتار ائتدى
اوزون پنهان او بی غیرت میان بیشه زار اِئتدی
چخیب نخلین دالیندان ظلم بی حد و شمار ائتدی
خفادن چیخدی بیر عصیان او فرد نابکار ائتدی
سالبدی ساغ قولون تندن ائدیب طغیان ابلفضله
*
ادامه وئردی پیکاری دوشوبدی سول قولی تنن
سو مشکی پاره لندی رنگ رخساری سولوب غمدن
دییللر نئچه مین یاره دئییب میدندا دشمندن
گلیب اوچ پر بیر اوخ بران اوپیبدی نازنین گوزدن
اولوبدی تیره گویا صحنه میدان ابلفضله
*
نه سو مشکینده قالمیشدی نه گول پیکرده قوللاری
آخر قان قاش گوزوندن تار ادیب عباسه یوللاری
دئیردی راضیم اما اولاردی کاش سویوم باری
گئدیب سیراب ائدردیم مشکیمیله تشنه گلزاری
یئری وار آغلاسان هرگون بوتون ارکان ابلفضله
*
یئتیشمشدیم بیر یئره عذر ایستیرم بیر صاحب دوران
اگر یازسام ائدر بو سوز مبارک قلبیوی ویران
ولی عفو ائیله بو سوزدن اوزومده اولمشام نالان
گلیب زهراو چوللرده اولوبدی گوزلری گریان
عمودین صحبتین سالدیم ائدک افغان ابلفضله
*
عمودی قوزادی نوفل دوشوبدی لرزه دنیایه
هوادن اَندی بیر باشه ملکلر گلدی نجوایه
آشاندا مرکب اوستوندن دوشوب دامان زهرایه
آغیر بیر روضه دی یارب بو روضه آل طاهایه
سالبدی ناله گویا صحنه میدان ابلفضله
*
آلیب آغوشه عباسی اوپیبدی قانلی گوزلردن
یاریبلار باشینی حتی دوشوب قولاری پیکردن
نه نوعی پیشواز ائتسین گرک خاتون محشردن
سنخ پهلو سینه باخدی خجالت چکدی مادردن
بیوردو گلممیشم اوغلوم ائدم جبران ابلفضله
*
دایان دامان زهراده منه وار منتین اوغلوم
بو چولدة آل طاهانین چکیبسن زحمتین اوغلوم
آنان زهرایه وار بیللم سنین چوخ حرمتین اوغلوم
چاغیر قاردا شیوی گلسین دایاندی طاقتیم اوغلوم
اولوب صدیقه کبری اوگون مهمان ابلفضله
*
گلیب گفتاره عباس، ایندی اولدی باوریم مادر
یئتیردین کامه عباسی او لوبسان مادریم مادر
منه اوغلوم دئدین قربان سنه بو پیکریم مادر
فدای مقدمین قولسوز بو جسم پریریم مادر
شاعر : قادر خانبابایی – ملکان
(کپی شعر بدون اسم شاعرحلال نیست )