ام البنینیم غم گونو غمخواریم اولوبدی
فریاد عشق
صفحه113
ام البنین
ام البنینیم غم گونو غمخواریم اولوبدی
بیر غصه لی صحراده وفاداریم اولوبدی
*
دورد اوغلومی پرپر ائلیریب جور زمانه
بیر گل دئمیرین ، گلشن و گلزاریم اولوبدی
*
دونیاده بوتون درد و مصیبت منه گلدی
الل منیم عالمده وفاداری م اولوبدی
*
سو مشکینه اوخ دَیدی بالام اولدو خجالت
قوربان اولوم اول حالینه دلداریم اولوبدی
*
هم اولدو منیم عونیله فضلیم همی جعفر
دورد گوهر نایاب گرانبار یم اولوبدی
فریاد عشق
صفحه114
بیر آهن عمودیله دوشوب دشت بلایه
اوخلاندی گوزو دیده خونباریم اولوبدی
*
من نذر ائلمیشدیم بالامی جان حسینه
جانانینه جان وئردی ، فداکاریم اولوبدی
*
دورد اوغلوم اوزوم ، عاشق رخسار حسینوق
قوربان اونون عطشان لبینه یاریم اولوبدی
*
باش پارچا لانیب ،گوز یارالی ، قول قلم اولدی
جانباز حسی ن ، معدن ایثاریم اولوبدی
*
آغلار منه دنیا، من اوزوم حال حسینه
گل مثل منیم سید و سالاریم اولوبدی
*
قولّار دوشوب آتدان یره ،یوز او سته سالبلار
سسلندی حسین ، گل باجی سرداریم اولوبدی
فریاد عشق
صفحه115
عباسیم اولنده بوکولوب قدی حسینین
یارب یتیش امداده ، هواداریم اولوبدی
*
زینب دییر عباس اولومی پوزدو حسینی
اوخشارمش او نهر اوسته سپهداریم اولوبدی
*
ای وای منه او چولده حسین قالمشمیش تک
عرض ایلدی یارب بوتون انصاریم اولوبدی
*
آغلار حامی عباسه قیامتی یتشینجه
زهراده دییر قولسوز علمداریم اولوبدی