ای اهل عزا سسلن یا فاطمه زهرا
بسم الله الرحمن الرحیم
اشعار چاپ نشده از شاعر اهل بیت علیهم السلام قادر خانبابایی با عنوان
سسلن یا فاطمه زهرا
ای اهل عزا سسلن یا فاطمه زهرا
هر وقت دعا سسلن یا فاطمه زهرا
وِئر قلبه صفا سسلن یا فاطمه زهرا
آل درده دوا سسلن یا فاطمه زهرا
هر شام صبا سسلن یا فاطمه زهرا
زهرایه گوره الله خلق ایلدی دونیانی
محشرده خانیم اوتدان آزاد اِئدرانسانی
ای شیعه آدین سسله تامین ائله عقبانی
دوت دامن عترتدن، مایوس اولا تا اَعدا
وئر قلبه صفا سسلن یا فاطمه زهرا
خلقتده خانیم زهرا دونیایه برابردی
هم کفو ولی الله دلبند پیامبردی
احسن بو گوزل شانه چون سوره کوثردی
زهرا خانمین شان و فضل و کرمی ، دریا
وئر قلبه صفا سسلن یا فاطمه زهرا
الله اوزو زهرانی قرآندا اِئدیب تعریف
بوآل عبا حقین پیغمبر ائدیب تکلیف
تا واردی بو مجلسدر دین اولمیاجاخ تضعیف
اولسان بو مجالسده قلبین اولاجاخ بینا
وئر قلبه صفا سسلن یا فاطمه زهرا
اما قاپیسی یاندی مسمار بلا گوردی
تا گئتدی نبی اَلدن ، امتده خطا گوردو
پهلوسی شکست اولدو مین جور و جفا گوردو
یاندی قاپسی اما معنی ده یانیب طاها
وئر قلبه صفا سسلن یا فاطمه زهرا
زهرانین عزاسینده مهدی بالاسی آغلار
حاضردی مجالسده قلب محنین داغلار
آغلار گوزیلن باشه، بیر شال عزا باغلار
گل آل عبا حقین ای شیعه ائداخ ایفا
وئر قلبه صفا سسلن یا فاطمه زهرا
ای صاحب دوران گل آواره قالیب دونیا
دیوان عدالت قوی ای منتقم زهرا
ای بند دل حیدر ، گوز یولدا قالیب مولا
گل عدل علی اولسون دونیاده داهی احیا
وئر قلبه صفا سسلن یا فاطمه زهرا
شعر از قادر خانبابایی شهرستان ملکان
1400/09/29